ਨੈਚਰ ਪਾਰਕ ਮੋਗਾ ਵਿਖੇ ਜਿਲਾ ਪ੍ਰਧਾਨ ਐਚ/ਕਪਤਾਨ ਬਿੱਕਰ ਸਿੰਘ ਦੀ ਪ੍ਰਧਾਨਗੀ ਹੇਠ ਮੀਟਿੰਗ ਹੋਈ , ਕਈ ਮੁੱਦਿਆਂ ‘ਤੇ ਚਰਚਾ ਹੋਈ ।

ਮੋਗਾ 17 ਮਾਰਚ  ( ਚਰਨਜੀਤ ਸਿੰਘ , ਬਿੱਕਰ ਸਿੰਘ )  ਸਮੂਹ ਮੈਂਬਰਾਂ ਨੇ ਐਸ.ਐਚ.ਓ ਮੁਕਤਸਰ ਮਨਿੰਦਰ ਸਿੰਘ ਵੱਲੋਂ ਈ.ਐਸ.ਐਮ ਅਵਤਾਰ ਸਿੰਘ ਅਤੇ ਸਮੁੱਚੀ ਫੌਜ ਖਿਲਾਫ ਵਰਤੀ ਗਈ ਭੱਦੀ ਭਾਸ਼ਾ ‘ਤੇ ਰੋਸ ਪ੍ਰਗਟ ਕੀਤਾ। ਦੋਸ਼ੀ ਪੁਲਿਸ ਅਧਿਕਾਰੀ ਖਿਲਾਫ ਬਣਦੀ ਕਾਰਵਾਈ ਲਈ ਮਾਮਲਾ ਇੱਕ ਵਾਰ ਫਿਰ ਡਿਪਟੀ ਕਮਿਸ਼ਨਰ ਮੁਕਤਸਰ ਦੇ ਧਿਆਨ ਵਿੱਚ ਲਿਆਉਣ ਦਾ ਫੈਸਲਾ ਕੀਤਾ ਗਿਆ। ਜੇਕਰ ਉਕਤ ਵਿਅਕਤੀ ਖਿਲਾਫ ਢੁਕਵੀਂ ਅਤੇ ਢੁੱਕਵੀਂ ਕਾਰਵਾਈ ਨਾ ਕੀਤੀ ਗਈ ਤਾਂ ਈ.ਐਸ.ਐਮ ਭਾਈਚਾਰਾ 21 ਮਾਰਚ 2022 ਨੂੰ 9 -1 ਵਜੇ  ਤੱਕ ਡੀਸੀ ਦਫ਼ਤਰ ਮੁਕਤਸਰ ਦੇ ਸਾਹਮਣੇ ਰੋਸ ਧਰਨਾ ਦੇਵੇਗਾ।ਇਸ ਮੌਕੇ ਮੈਂਬਰਾਂ ਨੇ ਜਨਰਲ ਸਕੱਤਰ ਵੈਟਰਨ ਤਰਸੇਮ ਸਿੰਘ  ਦੀ ਪਤਨੀ ਦੀ ਮੌਤ ‘ਤੇ ਦੁੱਖ ਦਾ ਪ੍ਰਗਟਾਵਾ ਵੀ ਕੀਤਾ ਅਤੇ ਮੈਂਬਰਾਂ ਵੱਲੋਂ ਦੋ ਮਿੰਟ ਦਾ ਮੋਨ ਰੱਖਿਆ ਗਿਆ। ਮੈਂਬਰਾਂ ਨੇ ਓ ਆਰ ਓ ਪੀ ‘ਤੇ ਸੁਪਰੀਮ ਕੋਰਟ ਦੇ ਫੈਸਲੇ ‘ਤੇ ਵੀ ਆਪਣੀ ਨਾਖੁਸ਼ੀ ਜ਼ਾਹਰ ਕੀਤੀ । ਇਹ ਫੈਸਲਾ ਲਿਆ ਗਿਆ ਕਿ ਕਾਨੂੰਨੀ ਸੰਭਾਵਨਾਵਾਂ ਨੂੰ ਦੇਖਦਿਆਂ ਸੁਪਰੀਮ ਕੋਰਟ ਵਿੱਚ ਸਮੀਖਿਆ ਪਟੀਸ਼ਨ ਦਾਇਰ ਕੀਤੀ ਜਾਵੇ । ਇਸ ਮੀਟਿੰਗ ਵਿੱਚ ਕੈਪਟਨ ਬਲਵਿੰਦਰ ਸਿੰਘ, ਉਪ ਗੁਰਚਰਨ ਸਿੰਘ ਸੰਧੂ, ਕੈਪਟਨ ਜਗਰਾਜ ਸਿੰਘ, ਕੈਪਟਨ ਜੋਗਿੰਦਰ ਸਿੰਘ, ਕੈਪਟਨ ਬਖਸ਼ੀਸ਼ ਸਿੰਘ, ਵਾਰੰਟ ਅਫਸਰ ਜਗਤਾਰ ਸਿੰਘ, ਸਬ ਮੇਜਰ ਦੇਵੀ ਦਿਆਲ, ਸਬ ਪਰਮਜੀਤ ਸਿੰਘ, ਸੁਖਦੇਵ ਸਿੰਘ, ਦਰਸ਼ਨ ਸਿੰਘ ਹੋਰ ਬਹੁਤ ਸਾਰੇ ਈ.ਐਸ.ਐਮ ਹਾਜ਼ਰ ਸਨ।